Ілмектерден іздеу

Шартты ұғымға түкірдім!..

Дей алмаймын жылы сөзбен демермін,
Әрекетсіз, халқым, сені жебер кім?
Жылап жүріп, сұрап алған Құдайдан,
Егемендік, айтшы, бізге не бердің?

Ерің қайда елін, жерін қорғаған,
Отқа күйіп, ал суыққа тоңбаған?
Бала бағар әйел базар жағалап,
Еркек ез боп үйде ешқашан қалмаған!

Бәз біреулер барысқа өзін теңейді,
Тәуелсіз боп демейм(ін) тыныс кеңейді.
Үлгі болар ақсақал мен әжені,
«Асырайтын» қарттар үйі көбейді.
Әрі қарай